Local Aruban newspapers Diario Aruba shares an article on Caribbean Linked IV in their Saturday, July 30, 2016 edition!

Take a look at the full article in Papiamento on Diario Aruba here announcing this year’s residency & exhibition programme at Ateliers ’89!

*NB – there are some inconsistencies with artists’ names and countries in the original version of this article.

ORANJESTAD (AAN)– Diamars awor 2 di augustus ateliers ’89 fundacion ta presenta e proyecto di arte caribense unico den su genero y mas aprecia actualmente yama ”Caribbean linked iv”. cu un presentacion den su black box di e curador di momento Pablo Leon de la Barra procedente di Mexico!

Durante tres siman e artistanan invita den residencia na ateliers ’89, lo presenta, discuti y traha nan obranan cu lo wordo presenta na final, diadomingo 22 di augustus den e salanan magno di exposicion na ateliers ’89 unda publico en general ta wordo cordialmente invita pa ta participe di e interesante evento aki y su anochinan di presentacion, charla y exposicion.

Asina, Ateliers ’89 Academia di Bellas Artes Aruba ta invita un y tur pa e anochi di inicio di un serie di charla internacional pa e artistanan invita den su Black Box. E charlanan aki lo sigui tur anochi di siman pa e dos siman y mey cu ta bini. 13 artista y 3 curador lo ta participe di e evento di Ateliers ’89 titula Caribbean Linked iv. lo ta un ocasion pa no perde di bin siña conoce e artistanan, nan obra y persona durante e charlanan aki. E curadornan lo trece e tension necesario padilanti discutiendo e obranan di cada artista y nan mes un pensamento di kiko ta e arte contemporaneo actual. Pablo León de La Barra ta wordo sigui pa Maria Elena Ortiz di Museo PAMM di Miami, y Holly Bynoe di St. Vincent y curadora actualmente na e National Gallery of Bahamas y directora di ARC Magazine. Tur ta curadornan hopi interesante mirando e posicionnan clave cu nan ta ocupa den Caribe.

Tambe lo ta presente pa publico life riba internet for di e Black Box y riba Facebook, e escritor David Knight for di Islas Virgenes. Life stream y filmacion lo ta bou di coordinacion di Ryan Oduber y Alexis Tromp. Y trabounan di publicidad y guia di e artistanan durante na estadia na Ateliers ’89 ta den encargo di Katherine Kennedy, Barbados cu a traha un pagina web hopi bunita mes pa CLIV. Hunto cu e artista Arubiano Robin de Vogel kende a bin ta preparando tur e artistanan pa nan estadia ta uno agradabel na Aruba. E 11 artistanan invita ta: Frances Gallardo Puerto Rico, Travis Geertruida Curacao, Charlie Godet Thomas Bermuda, Nowé Harris Bahamas, Tessa Mars Haiti, Oneika Russel Jamaica, Shanice Smith Trinidad, Simon Tatum Cayman Islands, Humberto Diaz Cuba y Laura de Vogel Aruba. No por perde e oportunidad unico aki y bin e anochinan aki na Ateliers ’89 y ta participe di e charla y discusion di e curador di momento Pablo León de La Barra. Bin como artista y bin mustra e curador bo mes un obra, bin como amante di arte y sea participe e presentacionnan y discusionnan, bin como bo mes y disfruta di e gran momento aki den nos historia di arte contemporaneo internacional y Caribense y e evento grandi aki Caribbean Linked IV.